6 қыркүйекте Қарағандылық епископ Аделио Дель’Оро Қарағандыдағы Әулие Иосиф ғибадатханасына Кіші базилика(Basilica minor) атағы берілгендігін хабарлады. Сенушілер құлшылыққа онлайн трансляция арқылы қосылуға мүмкіндігі бар жексенбілік Құдайға құлшылық кезінде, аталған титулдың берілуін бекітетін Дін ғұрпы Конгрегациясы мен құпиялар тәртібі құжаттары оқылды. Бұған сұраным Қарағанды епархиясы басшылығынан келіп түскен.
Епископ Аделио айтып кеткендей, бұл оқиғаның бүкіл Қазақстан шіркеуі үшін маңызы зор.
Мұндай атағы бар ғибадатхананың біршама артықшылықтары бар. Мысалы, бұл жерде белгілі бір шарттармен толықтай индульгенция алуға болады, және ғибадатхананың ішкі көрінісіне жаңа элементтер қосылады,пірадарлар айрықша киімдерді кие алады. Приходтың өзі туралы көбірек ақпаратты төмендегі видеодан 7 минуттан бастап,ал Кіші базилика атағының берілуі, берілген артықшылықтары туралы 11.30 бастап біле аласыздар.
Кіші базилика атағын иемденген ғибадатханалардың көбісі Еуропада шоғырланған. Посткеңестік кеңістіктегі мұндай ғибадатханалар саусақпен санарлық. Бұл Қазақстандағы алғашқы Кіші базилика.
