ВАТИКАН ПАПАНЫҢ ҚАЗАҚСТАНҒА САПАРЫНЫҢ ЛОГОТИПІ МЕН ҰРАНЫН ЖАРИЯЛАДЫ

«Бейбітшілік пен бірліктің елшілері» деген ұранмен Рим Папасы Франциск осы жылдың 13-15 қыркүйегі аралығында Қазақстанға сапармен келеді. Бұл ақпаратты бүгін Қасиетті Тақтың баспасөз қызметі сапардың логотипімен бірге ресми түрде жариялады.
Ватикан опубликовал логотип и девиз визита Папы в Казахстан

Сапарды ұйымдастыру комитетінің идеясына сәйкес логотипте зәйтүн бұтағын ұстаған көгершін бейнеленген. Қанаттар бір-біріне жанасқан екі қол болып бейнеленген, яғни бейбітшілік пен бірлік хабаршыларының қанаттары ретінде  көрсетілген.

Қанат ішіндегі жүрек сүйіспеншілікті білдіреді – өзара түсіністік, ынтымақтастық және диалогтың жемісі. Стильдендірілген зәйтүн бұтағы қазақтың ою-өрнекті бейнесімен ұсынылған.

Артқы жағында аспан түстес «шаңырақ» – қазақ халқының дәстүрлі тұрғын үйі –«киіз үйдің» элементі , ал ішкі жағында-сары түсті айқыш.

Логотипте Қазақстан туының түстерін қайталайтын аспан түстес көк және сары түстер, сондай – ақ Ватикан туындағы сары және ақ түстердің үйлесімдері қолданылған. Бұтақтың жасыл түсі үмітті білдіреді.

Сапардың мемлекеттік қазақ тіліндегі және елде ресми мәртебесі бар орыс тіліндегі ұраны бейнені көмкереді.

Папа Франциск Әлемдік және дәстүрлі діндер көшбасшыларының VII съезіне қатысу үшін Қазақстанның елордасы Нұр-Сұлтан қаласына барады. Бұл конгресс 3 ондықтан астам уақыт бойы мәдениетаралық және конфессияаралық диалог саясатын ілгерілетіп келе жатқан елдің визиттік картасына айналды. Рим Понтифигінің Қазақстанға бұдан бұрынғы сапары 2001 жылы орындалды. Әулие Иоанн Павел II сапарының ұраны: «Бір-біріңді жақсы көріңдер!» сөздері болған еді.

Орталық Азияның Католиктік ақпараттық қызметі
Аударған: Раушан Таупикова

Егер  сізге бұл мақала ұнаған болса, әлеуметтік желілерде немесе  мессенджерлерде  сілтемемен бөлісу арқылы достарыңызға ұсыныңыз:

Facebook
VK
OK
WhatsApp
Басып шығару

Жаңа материалдар,видео және трансляцияларды жіберіп алмас үшін,бізге YouTube, VKFacebook немесе  Instagram, желілерінде жазылыңыз.

Scroll to Top