Өткен демалыс күндері үш себептің басын құраған үлкен мереке өтті: Атыраудағы Апостолдық администратураның 20- жылдығы,приход хорының 20-жылдығы және Қазақстан және Орта Азия епископтарының кездесуі.
Мереке Қасиетті Мессадан басталды, басты уағыздаушы ҚКЕК басшысы епископ Хосе Луис Мумбиела Сьерра болды. Мессадан кейін хор концерті өтті,онда мерейтой иелері тек қана ән айтып қоймай,көрермендерге хордың қалай құрылғандығы жайлы баяндайтын шағын сахналық көріністерді де қойды.
Концерттен кейін Алматыдан келген «Археологиялық сараптама» ЖШС кіші ғылыми қызметкері Сергей Костомаровтың Қазақстандағы алғашқы христиандардың тарихына арналған баяндамасы оқылды. Баяндамашы несториандар туралы,сонымен қатар олардыңТараз қаласының жанындағы қазба жұмыстары кезінде табылған мәдени ескерткіштері туралы әңгімелеп берді.
Апостолдық администратураның 20-жылдығымен тек қана Қазақстан және Орта Азияның католик епископтары ғана емес,Православ шіркеуінің пірадарлары мен Протестант шіркеулерінің өкілдері де құттықтады.
Мерекенің екінші бөлігі монах әйелдердің үйіндегі ораторийде өтті. Бұл жерде қонақтарға балалардың орындауындағы концерт ұсынылды. Бағдарламаның басты көрінісі «Бауырсақ» ертегісі бойынша спектакль және «Каритас» қайырымдылық ұйымының Даун синдромы бар балалар биі болды.
Мереке Администратура жайлы қысқа презентациямен және оның басшысы Дариуш Бурас әкенің алғыс айту сөзімен аяқталды.
